Nisciun o’ssape
c’o’ sanghe dint’e vene
addiventa lava
quanno te veco,
e scorre,
volle,
e zampilla,
arriva mpietto
e scoppia.
Nisciuno o’ssape,
nun o’ssape nisciuno
ca’ quanno te ne vai
cade a’ neve dint’o ‘ core
e ‘o sanghe me se gela,
cerc’ a’ luna dint’ o puzzo,
scenne n’funn e nun’ a trovo,
e allora scavo,
scavo,
e scavo ancora,
cerco a’ luce dint’o scuro,
a’ senga n’faccia ‘o muro.
No,
nisciuno o’ssape,
nun o’ssape nisciuno,
ca si tu guarde e’ stelle,
je vurria essere o’ cielo,
si tu guard ‘ o mare,
io vurria essere ‘ a rena,
oppure ‘ o cavallone,
m’ avvicinasse chiano chiano
pe’ te accarezza’ o’ pere,
poi,
goccia a goccia,
te sagliesse fin e’ ‘nzine,
e poi,
ancora sagliesse,
e sagliesse ancora,
come o’ sole a matina,
arrivasse n’fronte a te
vasa’ ste ciglia fine.
E…
Nisciuno o’ssape,
nun o’ssape nisciuno,
ca nu juorne,
se comme a nu bocciuolo ‘ e rosa
dint’ a nu ciardino
schiudisse annanz’a me
chiste ddoje gocce ‘ e stelle,
je guardann dint’ a che st’uocchie tuoie,
nce vedesse a luce ‘ e ddio,
pecche’ tu si ammore,
vita mia.
